U.D. Kryeprokurori i Shtetit dhe përfaqësuesit e Ambasadës së SHBA-së kanë vizituar Prokurorinë e Apelit

16:24 | 18 Janar 2024
E.G

Ushtruesi i Detyrës së Kryeprokurorit të Shtetit, Besim Kelmendi, së bashku me Këshilltarin Rezident Ligjor në Ambasadën e SHBA-së në Kosovë, John C. Hanley dhe Zyrtarin e Lartë Ligjore në OPDAT, Etrur Maloku, kanë vizituar Prokurorinë e Apelit ku janë pritur në takim nga Kryeprokurori Xhevdet Bislimi dhe prokurorët e kësaj prokurorie.

Sipas njoftimit, temë e diskutimeve të përbashkëta ishte adresimi i sfidave me të cilat po përballet Prokuroria e Apelit pas ndryshimeve në Kodin e Procedurës Penale, veçanërisht për kompetencat që i janë dhënë kësaj prokurorie lidhur me vendosje për ankesat kundër vendimeve për hudhje të kallëzimeve penale dhe aktvendimeve për pushim të hetimeve, përcjell Arbresh.info.

“Në këtë drejtim, të pranishmit patën diskutime konstruktive dhe përmbajtjesore lidhur me nevojën e standardizimit dhe harmonizimit të praktikave gjatë nxjerrjes së vendimeve nga ana e prokurorëve të Prokurorisë së Apelit.”, thuhet në komunikatën për media./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm